A Coruña, 9 de novembro de 2024.- A Delegación do Goberno en Galicia únese á ilustradora coruñesa Bea Lema para facer unha reflexión sobre a violencia de xénero e dar visibilidade ás vítimas do machismo a través do bordado comunitario co taller ‘Bordados contra a violencia’. Trátase dunha acción que dá a volta ao concepto tradicional do bordado como actividade doméstica que facían as mulleres dentro das súas casas. Así, ‘Bordados contra a violencia’ converte esta actividade tradicional en arma combativo contra a violencia machista e para dar visibilidade ás vítimas desta violencia.
Este taller #replicar o traballo previo dos colectivos mexicanos ´Bordamos feminicidios’ e ‘Fuentes Rojas’. Baixo a premisa, ‘unha vítima, un pano’, ambos empregan a costura non só para denunciar os asasinatos machistas labores neste país. Tamén crean espazos para que as mulleres poidan reflexionar e expresar as súas experiencias persoais co machismo e, tamén, poidan denunciar situacións de violencia persoal. En ocasións, algunhas das participantes deron conta da súa situación persoal de violencia ao coñecer e bordar os relatos que falan de como os homes trataban as mulleres que despois, finalmente, asasinaron.
‘Bordados contra a violencia’ ten a súa orixe no encontro que mantiveron o delegado do Goberno, Pedro Blanco, e a ilustradora coruñesa Bea Lema o pasado 23 de setembro, con motivo da concesión do Premio Nacional de Cómic 2024. Daquela reunión xurdiu a posibilidade de colaborar no programa do 25N a través do traballo da ilustradora coruñesa, que emprega na súa obra o bordado e o tecido como soporte para trasladar as imaxes e ideas. Así o fixo en ‘El Corpo de Cristo’, pola que alcanzou esta distinción nacional.
Crear a partir do diálogo
A clase ‘Bordados contra a Violencia’ desenvolverase o vindeiro venres, 15 de novembro, entre as 11 e a as 13 horas na sede da Delegación do Goberno, nA Coruña (Praza de Ourense, 11).
Durante o taller, Bea Lema dirixirá ás persoas participantes, ás que convidará a dialogar sobre a violencia que soportan as mulleres na nosa sociedade e, a partir deste diálogo, mostraralles as técnicas básicas para bordar a súa reflexión ou vivencia sobre tecido.
Las prazas son limitadas e asignaranse por orde de inscrición, que se poderá solicitar cubrindo este formulario: https://run.gob.es/owi7y365. A actividade é gratuíta e as persoas non precisan ningún tipo de coñecemento previo nin achegar material, que se lles proporcionará durante o mesmo.
Programación Anual ao redor do 25 de Novembro
‘Bordados contra a violencia’ forma parte da programación anual da Delegación do Goberno en Galicia ao redor do 25 de novembro , Día Internacional contra a Violencia sobre as Mulleres, que pode consultarse nesta ligazón.
O programa contempla accións que permiten achegarse a violencia de xénero desde distintas perspectivas e ferramentas culturais, formativas, e reivindicativas.
Nesta programación, a Delegación quere visibilizar como as artes e a cultura poden converterse en ferramentas activas a favor da igualdade e contra o machismo. Froito deste convencemento, xurdiron iniciativas como a acción ‘Irmás sonoras’, dirixida pola poeta Yolanda Castaño e que une poesía, danza e música; a acción ‘MAVI, a maleta viaxeira contra a violencia de xénero’, que proporciona materiais de lectura itinerantes, e o programa ‘Regueifando en Igualdade’, que está a chegar a centros educativos de toda Galicia empregando como técnica de sensibilización a disputa dialéctica improvisada tradicional galega.
Os actos centrais do programa celebraranse na semana do 25N e culminarán na entrega dos recoñecementos ‘Meninas’ de Galicia, que concede a Delegación do Goberno e que este ano/este ano alcanzan a súa sétima edición.