Pontevedra, 8 de novembro de 2024.- El subdelegado do Goberno en Pontevedra, Abel Losada, presentou esta mañá o novo manual sobre o acompañamento social a persoas con problemas de adicións no proceso xudicial elaborado pola Asociación Érguete co apoio do Ministerio de Sanidade a través do Plan Nacional sobre drogas e da Asociación Lakoma de Madrid. Esta ferramenta ten o obxectivo de abordar, de maneira moi sinxela, o poder xudicial e as diferentes fases do proceso penal, así como as diferentes actuacións que as entidades ou axentes #social poden levar a cabo durante procesar penal para intervir na problemática xurídico-penal dunha persoa con problemas de adiccións.
Losada abriu o acto, ao que asistiron ao redor de 30 persoas, lembrando que a drogodependencia non pode ser vista unicamente como unha cuestión penal, motivo polo que cualificou como “fundamental” que as entidades sociais e as administracións públicas traballen de maneira conxunta para ofrecer o apoio necesario a aqueles que se atopan inmersos en procesos xudiciais relacionados coas adiccións.
Incidió en que as penas privativas de liberdade, “aínda que necesarias nalgúns casos, non sempre son a solución”, e insistiu en que “debemos buscar alternativas que favorezan a reincorporación á sociedade como cidadáns plenos destas persoas”. “Este manual pioneiro pretende xustamente isto”, asegurou, á vez que lle trasladou os parabéns a Érguete por un proxecto “que vai facilitar enormemente o acompañamento social das persoas con adiccións implicadas en procesos xudiciais, axudándoas non só a afrontar o seu proceso legal, senón tamén a recibir o apoio emocional, educativo e rehabilitador que tanto necesitan”.
O subdelegado destacou, por último, o compromiso do Goberno de España coa xustiza social e citou varias iniciativas e políticas orientadas á convivencia, a seguridade e a prevención do consumo de drogas, entre elas o Plan Nacional sobre Drogas ou o Plan Director para a convivencia nos centros escolares, agradecendo o traballo das Forzas e Corpos de Seguridade do Estado nesta cuestión.
Por parte da Asociación Érguete, a avogada e vicepresidenta, Sonia Fernández, indicou que “o proceso xudicial é moi complexo con estas realidades, por iso naceu este manual no que recollemos de maneira sinxela a realidade dun sistema, os seus recursos, os seus defectos e, tamén, achegamos consellos para simplificar o proceso”. O pedagogo, David Martínez, engadiu que “este manual é pioneiro porque é o primeiro que explora todo o sistema xudicial no ámbito das persoas con adiccións en Galicia”