Pontevedra, 8 de outubro de 2024.- O subdelegado do Goberno en Pontevedra, Abel Losada, alertou hoxe sobre a dobre victimización que sofren as mulleres inmigrantes e convidou a reflexionar “sobre o que pousaría se o asasinato machista de Fadoua Akkar fose cometido por un cidadán marroquí con antecedentes por violencia de xénero e a muller asasinada fose unha cidadá española”. “Cal sería a reacción da sociedade e dalgunhas forzas políticas’”, preguntouse o subdelegado, para afirmar que “estou seguro de que anteporían o curtopracismo da discusión sobre a inmigración fronte o feito fundamental que é o de tentar erradicar entre todos que as mulleres sexan asasinadas o feito de selo”.
Losada presidiu hoxe en Pontevedra o acto de condena polo crime machista de Moaña, que tamén serviu para trasladar o apoio do Goberno de España a todas as mulleres que sofren violencia de xénero. Participou tamén o alcalde, #Miguel Anxo Fernández Lores, membros do goberno e da Corporación Municipal de Pontevedra, traballadores da Subdelegación, entre elas a xefa da Unidade de violencia contra a Mujer, María José Rodríguez, e a secretaria xeral da Subdelegación, María Isabel Alonso de Linaje. Tamén asistiron integrantes das Forzas e Corpos de Seguridade do Estado e das Forzas Armadas, entre eles o tenente coronela da Garda Civil de Pontevedra, Óscar Grañas, e o comisario provincial do Corpo Nacional de Policía, Juan José Díaz.
Abel Losada subliñou que “unha soa vítima por violencia machista constitúe un fracaso público e un fracaso como sociedade”. Así, incidiu en que “esta loita ten que ir máis aló dos discursos, precisa orzamentos e BOE”. “O Goberno de España iniciou neste país esa liña de actuación e non imos dar ningún paso atrás para erradicar a violencia contra as mulleres”, concluíu.