La subdelegada do Goberno nA Coruña, María Rivas; e a alcaldesa de Betanzos, María Barral, presidiron a reunión da Xunta Local de Seguridade na que procederon a asinar o protocolo de adhesión ao sistema VioGén de protección de mulleres vítimas de violencia de xénero.
Coa sinatura deste convenio o concello de Betanzos, súmase aos 25 concellos da provincia da Coruña que xa están integrados no sistema VioGén. Con este novo paso e coa constitución da mesa de coordinacion policial, o concello de Betanzos completa os acordos necesarios para que o seu Policía Local forme parte deste sistema.
La subdelegada mostrou a súa satisfacción pola incorporación de Betanzos manifestando que “o sistema VioGen é unha ferramenta imprescindible e necesaria para avanzar decididamente na protección das vítimas de violencia machista”.
En este sentido, María Rivas subliñou a importancia de que os concellos formen parte deste sistema de vixilancia e protección das vítimas, porque tal e como explicou “a administración local é a que está máis preto da veciñanza, e por tanto, as policía locais de cada concello achegan un coñecemento e unha información moi relevante para traballar na prevencion e na detección”.
Actualmente na provincia da Coruña son 2.518 as vítimas de violencia de xénero con casos activos. “Son 2.518 razóns que nos/nos obrigan a seguir traballando para mellorar a súa protección, 2.518 mulleres que precisan da presenza e do coidado policial para sentirse seguras cada día e seguir adiante coas súas vidas, moitas delas con menores ao seu cargo que tamén sofren e cuxa protección tamén é unha prioridade”, polo que lembrou que no camiño da erradicación da violencia machista hai que traballar a diario sen descanso.
María Rivas, manifestou que é un obxectivo do Goberno seguir traballando pola implicación dos entes locais en VioGén, e fixo un chamamento aos concellos que aínda non forman parte do sistema para que dean o paso, e que entre todas as institucións, poidamos “continuar avanzando cara á erradicación da violencia contra as mulleres”
VioGen posibilita que a Policía Local poida acceder á información policial sobre os casos activos de violencia machista dentro do municipio. Deste xeito, os axentes da policía local fan labores de seguimento e control dalgúns destes casos, por norma xeral, daqueles que son considerados de nivel de risco baixo ou non apreciado.
A subdelegada puxo en valor as actividades que se desenvolven ao abeiro do Pacto de Estado contra a Violencia de Xénero, como un exemplo máis da colaboración entre as distintas institucións nesta materia, e polas que o concello de Betanzos recibiu desde o ano 2018 un total de 46.260,18 euros no marco do Pacto de Estado: “Son accións de formación, sensibilización e prevención que se realizan a nivel local e que son moi necesarias para avanzar na concienciación social”.