La subdelegada do Goberno nA Coruña, María Rivas, mantivo esta mañá unha reunión de traballo coa xefa da unidade de coordinación contra a violencia sobre a muller da Delegación do Goberno, María Debén, e a xefa da unidade da violencia sobre a muller da provincia da Coruña, Manuela Vilaboy.
La subdelegada destacou o importante papel que xogan os concellos para facer fronte á violencia machista, confirmando que a nova transferencia de fondos do Pacto de Estado contra a violencia de xénero deixa nos municipios da provincia da Coruña 762.935,24 euros para desenvolver políticas de igualdade, accións de concienciación e actividades encamiñadas á consecución dunha sociedade máis igualitaria e con tolerancia cero coa a violencia machista.
María Rivas convidou os municipios a destinar estes fondos á erradicación da violencia machista no marco das súas competencias, “desenvolvendo campañas de sensibilización, mellorando os servizos de atención e información, ou mesmo formando ás e aos profesionais que traballan nesta área nos concellos, así como os policías locais adheridos ao sistema Viogén, por mencionar algúns exemplos”.
También agradeceu “todo o traballo que están a desenvolver os distintos axentes que interveñen nos procesos de violencia contra as mulleres, pois sabemos que atravesan situacións difíciles e fano coa maior dilixencia e profesionalidade”. Neste campo, valorou a importancia que ten a correcta e estreita colaboración entre administracións e forzas de seguridade, ademais de chamar a seguir profundando nela “para prestar un servizo eficaz e centrado na mellor asistencia ás mulleres vítimas”.
María Rivas subliñou o compromiso do Goberno na loita pola igualdade e contra a violencia de xénero, que se materializa nos máis de 82 millóns de euros investidos en Galicia desde o 2018 en accións de prevención e loita contra a violencia machista. Deles, máis de 73 millóns foron transferidos á Xunta para financiar accións nesta materia.
Así, lembrou que o pasado 19 de xullo publicouse no B.O.E. a nova transferencia de fondos do Pacto de Estado que traslada a Galicia 1.052.868,12 euros a través de 3 convocatorias: os plans personalizados para mulleres vítimas de violencia de xénero e os seus fillos e fillas, con 63.595,40€; os programas de apoio ás vítimas de agresións e/ou abusos sexuais, con 529.755,36€ e programa de dereito á asistencia social integral ás vítimas de violencia de xénero e a atención aos menores, dotado con 459.517,36€
Criterios de distribución
O Real Decreto 1023/2020, do 17 de novembro, recolle os criterios de repartición establecidos e contemplan, por unha banda, unha cantidade fixa para cada localidade –sen ter en conta a súa poboación– e outra contía fixa en función da poboación do municipio. Ademais, o remanente que existe despois de aplicar os criterios anteriores, distribúese proporcionalmente entre todos os municipios incorporados ao Sistema de Seguimento Integral nos casos de Violencia de Xénero (Sistema VioGén) do Ministerio de Interior, así como entre os concellos nos que están empadroadas vítimas usuarias do servizo telefónico de Atención e Protección para vítimas da violencia de xénero (ATENPRO) no primeiro día do mes anterior ao que se dite a resolución anual de transferencias.
María Rivas destaca que a nova transferencia de fondos do Pacto de Estado deixa na provincia da Coruña máis de 760.000 euros para a loita contra as violencias machistas
09/08/2024
La subdelegada do Goberno nA Coruña incidiu na importancia das accións que desenvolven os concellos para previr e detectar os casos de violencia de xénero Puxo en valor a estreita colaboración entre administracións e corpos de seguridade para mellorar a resposta institucional e asistencial ás mulleres vítimas de violencia Rivas subliñou os máis de 82M€ investidos en Galicia desde o 2018, dos que 73 millóns foron transferidos á Xunta