El delegado do Goberno en Galicia, Pedro Blanco, agradeceu hoxe aos máis de 850 axentes do Sector de Tráfico da Garda Civil de Galicia por 65 anos de servizo “salvando vidas nas estradas e camiños da nosa terra”. Así o fixo no acto institucional de conmemoración do 65º aniversario da creación da Agrupación de Tráfico da Garda Civil, no que o delegado trasladou a felicitación a todo o persoal do Sector de Galicia a través do seu mando, o tenente coronela Antonio Hidalgo.
El delegado subliñou o compromiso de todo o persoal que, ao longo de máis de seis décadas, protexe a vida dos usuarios e usuarias das estradas de Galicia, o que converte a Agrupación de Tráfico “nun alicerce fundamental da seguridade viaria”. E engadiu que a presenza da Garda Civil de Tráfico é vista hoxe como garantía de seguridade e de tranquilidade para os homes e mulleres que fan uso das estradas como peóns, condutores ou acompañantes.
A esta tarefa fundamental, Pedro Blanco engadiu os miles de auxilios humanitarios e accións en emerxencias e acontecementos significativos realizados nestas décadas e que se traducen en milleiros de agradecementos das persoas que axudaron en temporais, accidentes, ou mesmo incendios forestais En concreto, o delegado detallou que só este ano/este ano, os homes e mulleres do Sector de Tráfico de Galicia realizaron máis de 12.800 auxilios humanitarios. Nesta categoría, o delegado fixo fincapé no traballo de acompañamento e axuda ás persoas que realizan o Camino de Santiago na Comunidade Galega, e que protagonizaron este ano 247 auxilios e rescates a peregrinos.
También significou a crecente participación do persoal da Agrupación en tarefas de formación e sensibilización á cidadanía, como a través do Plan Director de Convivencia Escolar ou as campañas dirixidas as persoas maiores e a colectivos vulnerables como ciclistas e motociclistas.
De estas décadas, o delegado destacou o incremento en medios humanos e a evolución tecnolóxica que viviu a Agrupación de Tráfico, e que se intensificou nos últimos anos. Sinalou a creación de equipos especializados, como os EPRAT, dedicados á investigación das causas dos sinistros viarios, e a xeneralización de novos medios de vixilancia, como os vehículos camuflados e os medios aéreos.
Por último, Pedro Blanco tivo un recordo para os 12 axentes que, desde 1960, perderon a vida en acto de servizo en estradas de Galicia.
Acto no Pazo de Mariñán
El acto de conmemoración celebrouse no Pazo de Mariñán, en Bergondo (A Coruña) e incluíu unha exhibición de medios da Agrupación de Tráfico en Galicia. Durante a celebración fíxose un percorrido audiovisual polos catro subsectores de Tráfico en Galicia, que foron presentados por persoal en situación de reserva ou retirados de cada provincia.
Ao acto asistiron a subdelegada do Goberno nA Coruña, María Rivas; a alcaldesa de Bergondo, Alejandra Pérez, e a deputada responsable de Vías e Obras da Deputación da Coruña, Mónica Rodríguez.
El acto de hoxe pon fin a un programa desenvolvido nos últimos días con motivo desta conmemoración, e no que sobresaíu a exposición e xornada de portas abertas que tivo lugar este pasado fin de semana na cidade da Coruña.