Abel Losada repasa con Telefónica o avance do Plan ÚNICO-Banda Larga na provincia, que chega xa a máis do 91% do total

Un total de 623.000 unidades inmobiliarias (vivendas máis empresas) das 682.000 existentes na provincia de Pontevedra contan xa con fibra óptica grazas, en boa parte, ás achegas estatais a través do Programa de Universalización de Infraestruturas Dixitais para a Cohesión (ÚNICO) de Banda Larga. O subdelegado do Goberno, Abel Losada, recibiu á delegada de Telefónica para o noroeste, Paula Rodríguez Beirán, para facer un repaso ao avance da conectividade en banda larga na provincia.
En unha reunión na que tamén participou telematicamente Ricardo Martínez, responsable do despregamento de fibra na zona Norte, constatouse que máis do 91% das unidades inmobiliarias da provincia dispoñen xa de conectividade, a maior parte a través de Telefónica. Telefónica foi adxudicataria da primeira convocatoria do Plan ÚNICO, no ano 2021, na provincia de Pontevedra. A empresa logrou unha subvención estatal de 3,58 millóns de euros co obxectivo de conectar case 18.000 unidades. Este contrato está finalizado, pero Telefónica continúa co seu plan propio de despregamento e ten en curso outras 12.000 conexións, que elevarán a conectividade en banda larga da provincia noutro 1,5%.
En días pasados, Abel Losada reuniuse tamén cos responsables das outras dúas empresas que están a despregar fibra na provincia e que resultaron adxudicatarias das convocatorias estatais para a provincia nos anos 2022 e 2023. En concreto, Avatel, adxudicataria do ÚNICO 2022 (7,8 millóns de euros de subvención e obxectivo de conectar 22.300 unidades) e Rede Aberta, adxudicataria do ÚNICO 2023 cunha subvención de 7,68 millóns de euros para enganchar outras 18.100 unidades inmobiliarias. Todo este operativo, impulsado polo Goberno de España e financiado cos fondos do Plan de Recuperación, Transformación e Resiliencia (PRTR) de España, finaliza en decembro de 2025.
España, líder da fibra óptica en Europa
O Plan ÚNICO púxose en marcha para garantir a chegada de servizos de banda larga de 300 Mgps simétricos, escalables ata 1Gbps. Esta iniciativa do Goberno de España, destacou Abel Losada Losada, situou a España como líder en despregamento de fibra óptica en toda Europa, tanto por número de fogares conectados como pola velocidade da conexión. destacou que hai varios estudos que sinalan a España como o segundo país de Europa tanto en unidades inmobiliarias conectadas como en velocidade media do servizo.
Paula Rodríguez ofreceu á Subdelegación toda a colaboración de Telefónica para chegar ás cada vez menos unidades inmobiliarias que ás que non chegou o despregamento da rede, ben pola súa situación afastada, ben por falta de permisos por parte das Administracións ou persoas propietarias. A este respecto, Abel Losada destacou que “Galicia, pola súa altísima dispersión territorial e pola súa orografía é todo un reto”. Aínda así lembrou que o Goberno de España garantizador que onde non sexa posible chegar coa fibra garantirase o servizo a través do satélite Hispasat.
Abel Losada deu conta tamén de que a Subdelegación do Goberno remite trimestralmente aos concellos o informe que elabora o Ministerio para a Transformación Dixital e a Función Pública cos municipios que tardan máis de 120 días na tramitación das autorizacións para o tendido da fibra óptica. Co informe solicítanse aclaracións das causas da demora. O subdelegado destacou que mentres hai concellos que traballan con moita axilidade e non teñen ningún permiso pendente, “hai uns pouco que non fan a súa parte con dilixencia”. “Estes pouco alcaldes ían fai pouco de campeóns da fibra, dando a entender que eran eles traer, e agora, cando van quedando os núcleos máis complicados de alcanzar, apresúranse a protestar, culpando ao Goberno que financia a instalación”. Por tanto, pediu máis colaboración leal, facendo cada quen o que lle toca, e menos “populismo contraditorio”.