El delegado do Goberno en Galicia, Pedro Blanco, analizou as iniciativas a levar a cabo en Boqueixón para mellorar a súa seguridade viaria. Xunto ao alcalde de Boqueixón, Ovidio Rodeiro Tato, e da subdelegada na provincia da Coruña, María Rivas, estudou as actuacións concretas sobre a N-525 ao seu paso por Lestedo. Concretamente, o delegado e o alcalde avaliaron a conexión entre esta estrada, a provincial de Vedra (C-1202) e a estrada municipal que discorre cara o campo de fútbol e o Pico Sacro mediante unha rotonda que mellore a seguridade viaria nesta zona de Lestedo.
Alcalde e delegado do Goberno estudaron a aplicación da sinalización horizontal levada a cabo polo Ministerio de Fomento na intersección da N-525 co C-1202 e a estrada municipal cara o Pico Sacro. O delegado do Goberno trasladoulle ao alcalde de Boqueixón que o Ministerio de Fomento redactou xa o proxecto de rotonda e que comunicará ao Ministerio as súas inquietudes sobre o asunto.
Ao mesmo tempo, estas actuacións únense á proposta para reducir a velocidade e mellorar o tráfico e a circulación de vehículos na propia parroquia de Lestedo, o que repercutiría directamente na seguridade dos veciños e veciñas.
El delegado do Goberno analiza co alcalde de Boqueixón o proxecto para mellorar a seguridade viaria no municipio
29/04/2024
Estudaron o proxecto de construción dunha rotonda na N-525, que facilitará o acceso ás aldeas de Milleirós e Vilar e suporá unha mellora para o tráfico que se dirixe ou procede de Vedra e Pazos