A Delegación do Goberno en Galicia reunirá o vindeiro luns no Pazo de Mariñán (Bergondo) a representantes da comunidade escolar de Galicia e as Forzas de Seguridade do Estado para analizar os retos da convivencia e seguridade nos centros educativos de Galicia. Será no III Xornada Formativa sobre o “Plan Director para a convivencia e a mellora da seguridade nos centros educativos e os seus contornos”, o programa operativo do Ministerio do Interior dirixido a garantir e promover a cultura de seguridade nas escolas e institutos.
A xornada comezará ás 9 e media da mañá co acto de inauguración que presidirá o delegado do Goberno, Pedro Blanco, e desenvolverase durante todo o día nas instalacións cedidas pola Deputación da Coruña, que colabora coa Área de Educación da Delegación do Goberno nesta convocatoria.
Entre as persoas asistentes, estarán os e as policías nacionais e gardas civís que levan a cabo as distintas accións formativas deste Plan Director, como as máis de 4.600 charlas en colexios e institutos de toda Galicia no ano 2023.
Temáticas
O programa deste III Xornada responde as demandas trasladadas polas persoas que participan no desenvolvemento do Plan Director. En esta ocasión, celebraranse catro coloquios ao longo do día, que versarán sobre adiccións, saúde mental, acoso sexual ou acceso ao diñeiro dixital.
Nelas participarán persoas expertas, formadores da Policía Nacional e Garda Civil, responsables de asociacións e de empresas de sectores relacionados coas distintas temáticas.
A xornada será clausurada ás 18 horas pola subdelegada do Goberno nA Coruña, María Rivas.
PROGRAMA
9.30 horas. Inauguración
10.00 horas. A adición ao móbil e as súas derivadas.
Modera: Isabel Ruso de Lago. Directora do IES Eusebio da Guarda. Presidenta da Asociación de Directores e Directivos de Institutos de Galicia (Addiga).
Participan:
Fernando Suárez Lorenzo. Presidente do Consello de Colexios profesionais de Informática de España e do Colexio profesional de Enxeñaría en Informática de Galicia. Membro do Comité de expertos para protexer aos menores no contorno dixital, do Ministerio de Mocidade e infancia.
Marta Carballal Marino. Pediatra de atención primaria da área Sanitaria da Coruña. Maite Lage López, Psicóloga Clínica, Responsable da Unidade de día de ACLAD (Asociación Coruñesa de Loita Antidroga).
12:00 horas. A prevención das agresións sexuais e a violencia sobre a muller: pautas a ter en conta.
Modera: Mar Debén Alfonso, Xefa da Unidade de Coordinación contra a violencia sobre a muller da Delegación do Goberno en Galicia.
Participan:
Araceli Mira García. Técnica xurídica de igualdade. Asesora xurídica do Centro de Información á Muller e da Rede de Acollemento do Concello da Coruña (Casa de acollemento e pisos de segunda estadía).
Ana Aldao Corral. Directora e psicóloga do Centro de información á muller (CIM) do Concello da Laracha.
13.00 horas. Novos retos para a seguridade do menor e a súa relación con materias novas que se ofertan no Plan Director.
Modera: Xosé Lois García Carballido. Coordinador do Plan Director (Delegación do Goberno en Galicia).
Participan:
Luisa Kirmayer Cadarso. Psicóloga da Asociación Trastorno da personalidade Galicia. Coordinadora técnica da Asociación Galega para a asistencia e investigación dos trastornos de personalidade.
Jeanne Picard Mahaut. Secretaria e Delegada en Galicia da o.n.g. STOP ACCIDENTES.
María Luisa Carnero Fernández. Oficial de Policía Nacional na Comisaría de Ourense. Formadora do Plan Director.
16.30 horas. As ameazas no uso do diñeiro dixital polos e polas adolescentes. Modera: Gerardo Rodríguez Verlo. Coordinador de programas de Agalure (Asociación galega de ludópatas rehabilitados).
Participan:
Diego Arceo Bello. Inspector, Xefe do Grupo de Investigación Tecnolóxica da Policía Nacional da Coruña.
Ramón Peña Pérez. Formador do Plan Director da Garda Civil de Lugo. Experto en tratamento dos roles do xogo.
Rafael Villaverde Mogo. CIELO de Infonet ciberseguridade. Premio PEL Deputación da Coruña á mellor iniciativa empresarial consolidada.
18.00. Clausura