El delegado do Goberno en Galicia, Pedro Blanco, mantivo en Madrid unha reunión de traballo coa secretaria de Estado de Turismo, Rosana Morillo, con quen repasou os diferentes investimentos do Goberno nesta materia na comunidade.
El delegado e a secretaria de Estado destacaron os máis de 200 millóns de euros dedicados a programas como os Plans de Sustentabilidade Turística ou a actuacións de recuperación do patrimonio para uso turístico, entre outros, que permiten que os fondos do Goberno para esta materia cheguen a 1 de cada 3 concellos galegos. En este sentido, puxeron en valor o esforzo do Goberno para que Galicia aumente a competitividade dos destinos turísticos locais, apostando por un modelo turístico de calidade, máis sustentable, dixital e capaz de aumentar a cohesión territorial.
No transcurso da reunión, Pedro Blanco e Rosana Morillo aproveitaron tamén para analizar proxectos e iniciativas en materia turística para desenvolver nos distintos territorios da comunidade e resaltaron a importancia dos fondos do Plan de Recuperación do Goberno á hora de desestacionalizar a oferta e aproveitar as fortalezas dunha comunidade como Galicia en aspectos como a gastronomía e o seu rico patrimonio cultural e natural.
Por último, o delegado do Goberno agradeceu á secretaria de Estado o seu traballo e implicación con Galicia e convidouna a coñecer sobre o territorio as distintas accións e investimentos do Goberno que están a permitir a modernización do sector turístico galego, facer máis competitivo e atractivo para os turistas.