Abel Losada destaca o traballo crucial do INE na celebración dos procesos electorais

El subdelegado do Goberno en Pontevedra, Abel Losada, acudiu hoxe á sede do Instituto Nacional de Estatística (INE) en Pontevedra onde mantivo unha reunión de traballo co delegado, Alberto González Burdiel, acompañado da secretaria xeral da Subdelegación do Goberno, María Isabel Alonso. Durante a visita coñeceu polo miúdo as funcións que desempeña o INE tanto nos procesos electorais como na renovación das diferentes enquisas de ámbito nacional.
Abel Losada destacou o intenso esforzo durante os últimos procesos electorais, que continuará en breve para comezar a preparación dos comicios Europeos do próximo mes de xuño. Alberto González destacou o impacto que a dixitalización tivo na organización dos procesos electorais, especialmente no que se refire á elaboración do censo e das listas electorais que se remiten a cada mesa,. Un avance tecnolóxico que agora garantizador uns “domingos electorais” nos que sempre hai unha case total normalidade. A este respecto informou de que nas últimas Autonómicas tan só foi preciso emitir dous certificados censais específicos para corrixir erros a solicitude das persoas interesadas, o que dá unha idea da calidade dos datos censais. Por outra banda, explicou que se tramitaron algo máis de media ducia de modificacións por mor de cambios de nomes e tamén de xénero, ao tratarse de persoas que contaban xa co DNI actualizado, pero non así o cartón censal.
El subdelegado coñeceu, ademais, os detalles preparatorios que garante o dereito ao voto das 138.000 persoas que figuran no Censo de Residentes Ausentes (CERA) da provincia de Pontevedra, aos que a Delegación do INE envía toda a documentación previa e, a seguir, o sobre coas papeletas de votación nun gran esforzo loxístico en coordinación con Correos. Tamén falou do impacto que supón o exponencial crecemento do voto por correo.
A Delegación provincial do INE conta con 40 traballadores/as que se se reforzan con outros/as 10 durante os procesos electorais, diante deste volume de traballo.
Abel Losada subliñou que España é unha referencia internacional en calidade democrática grazas, en parte, á exemplaridade dos seus procesos electorais. “Somos un dous contadísimos países do mundo onde os resultados das votacións coñécense moi pouco despois de pechar os colexios e os resultados danse a coñecer na mesma noite electoral ao cabo de escasas horas”, afirmou.
Por outra banda, o Alberto González acompañou ao subdelegado polas distintas oficinas do persoal encargado das enquisas que se elaboran na Delegación provincial de Pontevedra, que son as do Índice de Prezos ao Consumo (IPC), de Población Activa (EPA), de Presupuestos Familiares (EPF) e a enquisa de ocupación #hoteleiro. Neste último caso, realízase desde Pontevedra a enquisa das catro provincias galegas. Ademais disto, a Delegación do INE mantén a actualización do censo electoral, a enquisa de movemento natural da poboación e, finalmente, coordina cos concellos a revisión dos padróns municipais.