El delegado do Goberno en Galicia, Pedro Blanco, presidiu hoxe a presentación dos sete novos comisarios e comisarias que se acaban de incorporar ás diferentes brigadas da Policía Nacional en Galicia e aos que animou a seguir facendo de Galicia unha das comunidades máis seguras de España.
No acto, no que tamén participou o xefe superior de Policía de Galicia, Ramón Gómez Nieto, e ao que acudiron a subdelegada do Goberno nA Coruña, María Rivas, e os subdelegados en Pontevedra, Abel Losada, e en Ourense, Emilio González, o delegado do Goberno destacou que Galicia conta hoxe coa cifra máis alta de axentes da última década, con preto de 3.400 homes e mulleres dedicados á seguridade nas cidades e principais vilas galegas.
En este sentido, indicou que, despois de anos de descenso no número de efectivos, o Goberno foi quen de dar a volta a esta tendencia e sumar 575 novos axentes desde 2017 ás forzas e corpos de seguridade do Estado na comunidade.
Os novos comisarios son: Francisco Javier Balas, que se incorpora como xefe da brigada da Policía Xudicial da Comisaría da Coruña; Ana Belén Gómez, xefa da brigada de Seguridade Cidadá da Comisaría da Coruña; Cristina Ochoa, xefa da brigada de Estranxeiría e Fronteiras da Comisaría da Coruña; Nuria Palacios, xefa de Operacións da Comisaria Provincial de Ourense; José Antonio Tendero, xefe local de Operacións da Comisaría de Vigo-Redondela; Alejandro Pedro Arnay, xefe da brigada local de Policía Xudicial de Vigo-Redondela e Manuel Díaz-Faes, xefe da brigada local de Seguridade Cidadá de Vigo-Redondela.
A todos eles, Pedro Blanco pediu seguir mantendo os bos datos de criminalidade, con tres anos seguidos de descensos dos actos delituosos, e de esclarecemento, coa taxa máis alta dos últimos nove anos, unha responsabilidade que, dixo, é compartida co Goberno.
También emprazounos a preservar valores como a igualdade, a ética, a honestidade, a sensibilidade, a xustiza, e, por encima de todas, a inquebrantable vocación de servizo público que levan marcando o día a día das persoas que integran este corpo nos 200 anos que acaba de cumprir o pasado 13 de xaneiro.