El delegado do Goberno en Galicia, Pedro Blanco, destacou en Ribadavia a aposta do Goberno polo sector vitivinícola, no que está a investir máis de 25 millóns de euros a través dos orzamentos e dos fondos do Plan de Recuperación para impulsar o crecemento das adegas galegas e fomentar a actividade económica relacionada co enoturismo.
Lo fixo no transcurso dunha visita ás instalacións de Viña Costeira, unha das tres adegas galegas que forman parte do proxecto Graperte, promovido pola Federación Española do Viño, que conta cunha achega de máis de 5 millóns de euros do PERCHE Agroalimentario para reforzar a innovación no sector e avanzar na súa dixitalización. En concreto, Viña Costeira e as outras dúas adegas galegas seleccionadas (Martín Códax e Terras Gauda) desenvolverán dous proxectos de I+D+i para mellorar o control microbiolóxico e a trazabilidade do viño.
Pedro Blanco informou de que o PERCHE Agroalimentario mobiliza preto de 2.000 millóns de euros en axudas a través das súas diferentes convocatorias que xestionan os Ministerios de Industria, Agricultura e Ciencia. A primeira destas convocatorias foi xestionada polo Ministerio de Industria, Comercio e Turismo e nela foron seleccionados 4 proxectos nos que participan empresas galegas e que reciben unha axuda do Goberno de 54 millóns de euros.
“Este é un exemplo máis de que os fondos do Plan de Recuperación do Goberno chegan ás empresas galegas e fano para transformar a nosa economía cara un modelo máis dixital e sustentable”, sinalou Pedro Blanco, quen destacou tamén os máis de 18 millóns de euros en axudas con cargo a estes fondos para os Plans de Sustentabilidade Turística en Destino (PSTD) do Ministerio de Industria e as Actuacións de Cohesión en Destino relacionados coa promoción das adegas galegas e o enoturismo.
Apuesta polo enoturismo
Nesta liña, lembrou os 3 millóns de euros na provincia de Ourense do PSTD O Ribeiro-Carballiño, no que se integran os concellos de Arnoia, Avión Beade, Carballeda de Avia, Castrelo de Miño, Cenlle, Cortegada, Leiro, Melón, Ribadavia, Beariz, Boborás, Carballiño, Irixo, Maside, Piñor, Punxín, San Amaro, San Cristovo de Cea, Padrenda e Pontedeva, e do PSTD Valdeorras Ruta do Viño, do que forman parte os concellos de Ou Barco, A Rúa, A Veiga, O Bolo, Petín, Vilamartín, Rubiá, Larouco e Carballeda.
Entre estas accións contempladas nestes plans está a posta en valor dos territorios vitivinícolas, a mellora da comercialización e da promoción de novos produtos turísticos vinculados á enogastronomía galega, a promoción da xestión sustentable desde os destinos e a potenciación do territorio enogastronómico galego como un espazo de desenvolvemento turístico cun forte contido na dixitalización e na innovación gastronómica.
Ademais dos Plans de Sustentabilidade Turística en Destino, a Xunta de Galicia xestiona tres Actuacións de Cohesión en Destino (ACD), cun investimento de 14,9 millóns de euros do Plan de Recuperación. Trátase da ‘ACD Aloxamentos con Encanto en destinos enogastronómicos de Galicia’ (5,5 M€); ‘ACD: Galicia Gastro Experience’ (3,55 M €) e ‘ACD: Unha viaxe sustentable entre viñedos: Descobre as cinco rutas do viño de Galicia en vehículo eléctrico’ (5,8 M €).
Intervención Sectorial do Viño (ISV)
Junto a estes investimentos, o delegado do Goberno informou de que Galicia vai recibir 7,7 millóns de euros do Ministerio de Agricultura, Pesca e Alimentación dentro do programa Intervención Sectorial do Viño (ISV) para o período 2024-2025 (5,2 M€ en 2024 e 2,5 M€ en 2025). Os fondos repártense en políticas de promoción de viños en terceiros países, reestruturación e reconversión de viñedos para o exercicio e o programa de investimentos.
“Todas estas partidas constatan o apoio do Goberno ás empresas galegas e a sectores produtivos como o do viño”, sinalou Pedro Blanco, que animou a non deixar pasar a oportunidade histórica que supoñen os fondos do Plan de Recuperación do Goberno para a transformación e modernización do modelo produtivo galego.