Amoeiro (Ourense), 12 de novembro de 2023.- El delegado do Goberno en Galicia, Pedro Blanco, destaca a "gran acollida" na segunda convocatoria do programa INECO RuralTic do Ministerio de Transportes, Mobilidade e Axenda Urbana do Goberno e a mellora que suporá na alfabetización dixital dos galegos.
El delegado do Goberno animou aos concellos de Galicia a integrarse neste programa e fixo fincapé en que "para os municipios con menor poboación é unha magnífica oportunidade de acabar coa brecha digtal e propiciar a cohesión social". Ademais, Pedro Blanco subliñou que RuralTIC é un programa do que se poden beneficial tamén as pequenas e medianas empresas dos concellos "a través do asesoramento en novas tecnoloxías que lles proporcionan os axentes que se despracen ata o municipio".
En Galicia son 17 os concellos de menos de 10.000 habitantes beneficiados desta segunda convocatoria os cales iniciarán o programa de visitas dos nómades dixitais do Ministerio neste mes de novembro: 5 concellos da coruña, 6 concellos de Ourense, 4 concellos de Lugo e 2 de Pontevedra.
El programa TIC Ineco Rural
O obxectivo deste programa é contribuír á degradación social e económica da sociedade que vive en contornas rurais, rompendo as posibles barreiras que afastan a estes núcleos das novas tecnoloxías. Desta maneira, poder garantir que a poboación poida manter comunicación coas familias das zonas de illadas ou realizar actividades administrativas a través dun dispositivo móbil.
Esta iniciativa baséase en dous eixos fundamentais: a dixitalización social e a dixitalización económica.
No que respecta á dixitalización social, os e as axentes imparten formación e apoio no uso das novas tecnoloxías aos veciños e veciñas, con especial atención á poboación maior. O persoal do Ineco desenvolve diferentes talleres presenciais, como é o manexo do servizo en liña para a realización de trámites administrativos: xestións de citas médicas ou banca electrónica.
Ademais tamén imparten formación para coñecer aspectos sobre a seguridade en internet ou a pegada dixital e ofrecen atención personalizada en función das necesidades específicas dos participantes.
O segundo eixo, a dixitalización económica, proporciona apoio e asistencia ao tecido empresarial rural, a través do posicionamento dixital, con apoio á creación de servizos en liña que poidan mellorar a actividade das pemes, como a apertura dunha páxina web ou o uso de perfís en redes sociais para o posicionamento no mundo dixital.
Más de 400.000 euros en investimentos do Goberno no Concello de Amoeiro
O delegado puxo Amoeiro como exemplo da aposta do Goberno polos pequenos concellos, "grazas ao investimento e ao compromiso do Goberno é posible que nos últimos 3 anos a fibra óptica e a conexión a internet chegase a cada unha das parroquias do concello alcanzando o 100% da súa dixitalización rompendo a fenta digtal no rural en momentos tan complexos como a pasada pandemia"
Sumando os proxectos en marcha ao que se executarán coa actual convocatoria, o Goberno achegará a conexión ultrarrápida a internet mediante fibra a 236.154 fogares e empresas de Galicia antes do fin de 2025. En total, as tres convocatorias supoñen un investimento de 90.900.000 euros.
Pedro Blanco desprazouse ao Concello de Amoeiro onde mantivo un encontro co alcalde, Jose Luis González López, para supervisar os investimentos estatais neste municipio, no que tamén destacan os máis de 220.000 euros que recibiron do IDAE para a renovación e depuracións de augas residuais do Concello e a mellora da iluminación e eficiencia enerxética para unha economía baixa en carbono; así como coñecer os proxectos para a remodelación das instalacións deportivas do Concello como o Campo de Fútbol e as piscinas municipais.