El delegado do Goberno en Galicia, Pedro Blanco, desprazouse hoxe ata Ponte Maceira, nos concellos de Negreira e Ames, para pór en valor o programa do 2% cultural que o Ministerio de Transportes, Mobilidade e Agenda Urbana destina ao financiamento de actuacións de rehabilitación do Patrimonio Histórico e que mobilizou preto de 8 millóns de euros en Galicia nos últimos anos.
El delegado escolleu Ponte Maceira para facer esta presentación xa que foi un dos últimos lugares en incorporarse á listaxe de Bens de Interese Cultural (BIC) de Galicia. Na visita estivo acompañado da subdelegada do Goberno nA Coruña, María Rivas, e dos alcaldes de Ames, Blas García, e Negreira, Ángel Leis. Con eles, fixo un chamamento aos concellos galegos para aproveitar os 80 millóns de euros que ofrece esta convocatoria de axudas, cuxo prazo de solicitudes finaliza o 15 de outubro. “É unha oportunidade extraordinaria para que os concellos poidan acometer este tipo de obras de restauración que, doutro xeito, entendemos que serían moi difíciles de levar a cabo”, sinalou.
Pedro Blanco destacou que o compromiso do Goberno coa conservación e posta en valor do patrimonio reflíctese no incremento que experimentou a porcentaxe de financiamento deste programa. Elevouse, así, do 1,5% ao 2% a porcentaxe da totalidade de investimentos executados en infraestruturas para fornecer esta iniciativa. Esta decisión tradúcese en 20 millóns de euros máis, ata un total de 80 millóns de euros dispoñibles na convocatoria deste ano/este ano. Con esta cantidade, o Goberno prevé mobilizar investimentos de 110 millóns e realizar máis de 100 actuacións en toda España.
Nos últimos anos, este mesmo programa mobilizou preto de 8 millóns de euros en Galicia, dos que 5,2 millóns foron achegados polo Goberno. Estas axudas destináronse a 11 actuacións que tiveron un forte impacto nas catro provincias. As máis destacadas corresponden á restauración da Casa da Veeduría nA Coruña, para a que o Goberno achegou 1.287.257 euros; a restauración do pavillón historicista e o muro perimetral de San Martín Pinario en Santiago, que contou cunha axuda de 861.004 euros, e a rehabilitación do pazo de Quintáns en Sanxenxo, que o Goberno financiou con 1.380.736 euros.