En Galicia, máis de 73.000 persoas, en concreto 73.763, recibiron a axuda de 200 euros aprobada polo Goberno para mitigar o impacto da elevada inflación, especialmente nos colectivos máis vulnerables, segundo datos da Axencia Tributaria.
Os beneficiarios desta iniciativa aprobada polo Executivo a finais de decembro do pasado ano son traballadores por conta propia ou allea e beneficiarios da prestación ou subsidio de desemprego en 2022, que o pasado ano non superasen unha renda de 27.000 euros brutos e cuxo patrimonio, descontando a vivenda habitual, non pase os 75.000 euros. Ademais, deben ter residencia habitual en España en 2022.
Para o cálculo de importes débese sumar a renda e o patrimonio das seguintes persoas que convivan no mesmo domicilio: o propio beneficiario; o seu cónxuxe ou parella de feito; os descendentes menores de 25 anos, ou con discapacidade, con rendas que non excedan de 8.000 euros; e ascendientes ata segundo grao por liña directa (pais e avós).
Beneficiarios por provincia
El prazo para solicitar esta axuda concluíu o pasado 31 de marzo. Por provincias, en Galicia beneficiáronse deste pago único de 200 euros 29.865 persoas nA Coruña, 27.910 en Pontevedra, 8.328 en Ourense e 7.660 en Lugo.
| Provincia | Solicitudes PAGADAS |
| A Coruña | 29.865 |
| Lugo | 7.660 |
| Ourense | 8.328 |
| Pontevedra | 27.910 |
| TOTAL | 73.763 |
Obxectivo: reducir as situacións de vulnerabilidade
Como ocorría coa anterior axuda de 200 euros, quedan excluídos desta axuda os pensionistas e perceptores do Ingreso Mínimo Vital (IMV) por ser colectivos xa beneficiados doutras medidas aprobadas polo Goberno como o incremento un 15% das pensións non contributivas e do IMV. Así mesmo, os pensionistas teñen garantido o seu poder adquisitivo coa revalorización das pensións conforme o IPC.
Por tanto, con esta axuda dun pago único de 200 euros, recollida no Real Decreto-lei 20/2022, do 27 de decembro, amplíase os beneficiarios da anterior prestación, co obxectivo de paliar o efecto prexudicial que a subida de prezos ten especialmente sobre as rendas máis baixas. Desta forma, con esta prestación redúcense as situacións de vulnerabilidade económica que non están cubertas con outras prestacións de carácter social, como é o caso das pensións ou o IMV.
A axuda de 200 euros enmárcase no paquete de medidas aprobadas polo Goberno para mitigar o impacto da inflación na maioría social do país.