Isabel Rodríguez anima ás salas de exhibición da provincia a adherirse ao Programa Cinema Sénior, co que máis de 97.000 lucenses maiores de 65 anos poderán ir ao cinema por 2€

O Ministerio de Cultura, coa colaboración do sector da exhibición, leva a cabo este programa dotado con 10M€ co que concede axudas directas aos ás salas de cinema para sufragar parte do prezo das entradas A medida permitirá que un día á semana as entradas de cinema custen 2€ para os maiores de máis de 65 anos, o 30% da poboación da provincia. As salas de cinema interesadas en sumarse ao programa poden facer ata mañá na web Esta iniciativa do Goberno protexe a viabilidade das salas de exhibición coa recuperación da asistencia dun amplo sector da cidadanía, á vez que contribúe a un envellecemento activo e saudable da esta poboación Isabel Rodríguez lembrou que 2.186 mozos lucenses xa poden solicitar o Bono Cultural Xove, con 400 euros destinados á adquisición e gozar de produtos, servizos e actividades culturais

La subdelegada do Goberno en Lugo, Isabel Rodríguez, animou hoxe en Lugo ás salas de cinema da provincia a adherirse ao Programa Sénior que leva a cabo o Ministerio de Cultura e Deporte, coa colaboración das principais asociacións do sector da exhibición, ten como obxectivo fomentar o acceso ao cinema ás persoas maiores de 65 anos. Concretamente, esta iniciativa do Goberno de España, dotada con 10 millóns de euros, concede axudas directas ás salas de exhibición para sufragar parte do prezo das entradas que se expidan, de tal forma que un día á semana a entrada de cinema tan só custe 2 euros para este grupo de idade.

Isabel Rodríguez visitou esta mañá os cinemas Yelmo da capital lucense, adheridos ao programa estatal, e destacou a incidencia deste programa cultural na provincia, chegando a máis de 97.000 veciños e veciñas maiores de 65 anos, un 30% da poboación da aprovincia de Lugo. Alí, intercambiou coa representante da empresa, Cristina Risueño, e co director do centro comercial As Termas, Esteban Patiño, as impresións desta primeira edición do programa estatal que protexe a viabilidade económica das salas de exhibición cinematográfica mediante a recuperación da asistencia dun amplo sector da cidadanía, xerando un hábito de consumo, á vez que contribúe a un envellecemento activo e saudable da esta poboación.

En este sentido, a subdelegada explicou que as persoas maiores de 65 anos son os que máis están a tardar en retomar os hábitos de asistencia ao cinema previos á pandemia. Así, obsérvanse notables diferenzas entre franxas de idade: se o 49,3% dos mozos de 20 a 24 anos acudiu polo menos unha vez ao ano ás salas de cinema entre 2021 e 2022, esa porcentaxe cae ata o ao 6% na poboación de máis idade.

Los cinemas participantes terán que comunicar o prezo común da entrada dese día, e o Ministerio de Cultura aboará a diferenza entre ese prezo e os 2 euros que pagarán os maiores de 65 anos, ata un máximo de tres euros por entrada vendida. As salas de cinema interesadas en sumarse ao Programa Sénior poden tramitar a súa adhesión a través da páxina web. O prazo finaliza este venres, 23 de xuño.

Sector fundamental para a economía
De todos os sectores culturais, o cinema é un dos máis afectados, aínda hoxe, pola pandemia. As medidas sanitarias tomadas por mor da COVID-19 provocaron un importante descenso na asistencia media ás salas de cinema no público español, unha asistencia que non termina de recuperarse. A pesar dos repuntes experimentados en 2022, o sector aínda se atopa aproximadamente cun 40% menos de espectadores en relación coa media dos anos 2017 ao 2019.

Con unha medida destas características, o Goberno quere seguir fomentando o acceso á cultura audiovisual do conxunto da poboación española, un motor de transformación e de desenvolvemento social e económico, capaz de xerar riqueza e emprego.

Bono Cultural Xove
Isabel Rodríguez aproveitou o acto para lembrar que os mozos lucenses nacidos en 2005 xa poden solicitar o Bono Cultural Xove, con 400 euros destinados á adquisición e góceo de produtos, servizos e #actividade culturais. Na segunda edición deste programa, que tamén impulsa o Ministerio de Cultura, estímase que cumpren 18 anos en Lugo 2.186 persoas. Para solicitar, deben rexistrarse e realizar o procedemento de solicitude na páxina web www.bonoculturajoven.gob.es ata o próximo 30 de setembro.