Isabel Rodríguez asiste á exhibición cinolóxica que o CMT de Parga imparte a máis de 600 alumnos e profesores de Lugo

La subdelegada destacou o traballo dos cans e o alto nivel de especialización dos guías, “sempre ao servizo da cidadanía e da sociedade, resultando fundamentais para salvar vidas ou protexer bens relevantes” A cita, que tivo lugar nas instalacións do Colexio Diocesano San Lorenzo, contou coa participación de estudantes do CEIP Paradai e CPR Plurilingüe Lana Milagrosa, que interactuaron nos diferentes exercicios e simulacros Os equipos proceden das unidades caninas de USA Santocildes, de Astorga; a USAC Cabo Novao, de Asturias; e o Batallón de Transmisións III/21, de Burgos, ademais do equipo de Parga

La subdelegada do Goberno en Lugo, Isabel Rodríguez, asistiu hoxe en Lugo á exhibición cinolóxica que os profesionais do Campo de Manobras e Tiro (CMT) de Parga realizaron a máis de 600 alumnos e docentes de colexios da capital lucense. Durante as demostracións caninas, Isabel Rodríguez, acompañada da concelleira de Lugo en funcións, Paula Alvarellos; e do tenente coronela do CMT, José Antonio Roldán; destacou o traballo dos cans ao servizo do Exército, “sempre ao servizo da cidadanía e da sociedade, resultando fundamentais para salvar vidas ou protexer bens relevantes no marco das actuacións realizadas durante os operativos nos que participan”.

La cita, que tivo lugar nas instalacións do Colexio Diocesano San Lorenzo, contou tamén coa participación de estudantes do CEIP Paradai e CPR Plurilingüe La Milagrosa, que foron testemuña e interactuaron nos diferentes exercicios dinámicos e simulacros levados a cabo por 7 cans, cos seus respectivos guías caninos. Estes equipos proceden das unidades de USA Santocildes, de Astorga; a USAC Cabo Novao, de Asturias; e o Batallón de Transmisións III/21, de Burgos, ademais do equipo de Parga.

En este sentido, a subdelegada puxo en valor o alto nivel de especialización dos guías, que dedican un elevado número de horas de adestramento, para conseguir unha relación estreita, imprescindible no traballo diario do Exército de Terra. Así mesmo, incidiu en que, actualmente, as unidades caninas xogan un papel moi importante na loita contra a delincuencia organizada, a procura e localización de persoas en catástrofes naturais ou en relación ás desaparicións forzadas.

Este tipo de actividades permiten mostrar ao público infantil unha parte do labor que realiza o Exército de Terra e realízanse como accións de cooperación e fomento da cultura de defensa coordinadas co seu esixente programa de adestramento e preparación. Concretamente, na exhibición celebrada este venres participaron axentes caninos especializados en operacións de detección de drogas e estupefacientes, recoñecemento de explosivos, seguridade e combate ou obediencia básica e pista de obstáculos, entre outros.