Ourense, 23 de marzo 2023.- La subdelegación do Goberno de Ourense abriu as súas portas esta mañá nunha visita guiada enmarcada dentro do programa de actividades da Semana da Administración Aberta que se celebra ao largode toda a semana e cuxo obxectivo é conseguir á cidadanía a Administración Xeral do Estado e coñecer dunha maneira práctica e amena, os servizos que presta.
La visita á antiga sede do Goberno Civil estivo presidida polo subdelegado do Goberno, Emilio González Afonso resaltou a importancia de “visibilizar a actividade da subdelegación en Ourense como institución que representa ao Goberno na provincia e que se da coñecer que é unha institución aberta a todas as demandas da cidadanía tanto en competencias de telecomunicacións, estradas e estranxeiría, ademais da defensa da seguridade cidadá con absoluta transparencia”.
Durante a visita na que participaron non só os ourensáns e ourensás que solicitaron a asistencia, senón tamén representantes das asociacións veciñais da cidade de Ourense – Federación Miño e Limiar- así como diferentes entidades sociais entre as que se atopa Cruz Vermella e o Banco de Alimentos os participantes puideron coñecer, acompañados do secretario xeral da subdelegación, Manuel Arias, a exposición de mapas históricos do Instituto Xeográfico Nacional que se está realizando ao longo desta semana na entrada do edificio. Esta exposición serve tamén para visibilizar o punto de venda de mapas do instituto que, na provincia de Ourense, atópase enmarcado dentro das dependencias do rexistro oficial da subdelegación. Nel realízase tanto a venda de mapas topográfico e políticos como diferente material relacionado co mesmo.
Ademais, ao longo de todo o percorrido polas dependencias oficiais da institución cada un dos xefes de servizos dos diferentes departamentos explicáronlles aos asistentes as funcións que se desempeñan e os trámites administrativos que xestionan cos cidadáns. Entre o persoal que interveu atopábase o xefe de Servizo de Persoal, Juan Félix Ríos; o xefe de Sección de Infraccións administrativas, Carlos Sánchez; a xefa de Sección de Información e Rexistro, Patricia Ribo; a xefa de Dependencia de Traballo e Innmigración, María del Mar Martínez; a xefa da Oficina de Estranxeiría, Josefina Rodríguez; a habilitada nacional, Carmen Prol; a xefa de sección de comunicacións e Informática, Carmen Lodos; a xefa de sección de Administración Territorial, Mercedes Lage; a xefa de sección de Autorizacións, María del Mar de Prado; o xefe da Unidade de Protección Civil, Brais Pérez; a xefa da Unidade de VioGen, Alida Iglesias e o especialista en prevención de Riscos Laborais, José Antonio Prado.
Este encontro finalizou cunha formación a cargo do xefe provincial de Telecomunicacións, Enrique Sanmartín, quen lles explicou o traballo que se desenvolve a diario dentro da unidade dando cobertura e acceso á conexión en rede tanto da administración como da cidadanía para poder comunicarse.
A semana da Administración aberta
A Semana da Administración Aberta é unha iniciativa impulsada a nivel mundial pola Alianza para o Goberno Aberto (Open Gov Week) e organizada en España pola Subdirección Xeral de Goberno Aberto do Ministerio de Facenda e Función Pública.
El obxectivo desta iniciativa é achegar as Administracións Públicas á cidadanía, baseándose nos principios do Goberno Aberto: transparencia, rendición de contas, participación cidadá, integridade pública e colaboración. Con estas accións, o Goberno quere que a cidadanía coñeza de cerca o funcionamento das súas institucións públicas.