Ourense, 21 de marzo de 2023.- O Subdelegado do Goberno, Emilio González, destaca e celebra a gran acollida que tivo na provincia de Ourense o programa A Administración preto de ti destacando que somos a provincia con maior número de asistentes – 545 asistentes- e trámites realizados. “Ourense é exemplo de saber facer e pon por bandeira a “importancia de romper a brecha do mundo rural para traballar no reto demográfico”. Así, explicar esta mañá durante a presentación do programa “A Administración preto de ti” no Concello de Riós.
O subdelegado puxo en valor un dos obxectivos principais do Goberno de Pedro Sánchez que é achegar a administración aos cidadáns e romper coa “fenda dixital”, especialmente en municipios rurais como é o caso deste concello con máis de 1.400 habitantes e onde a idade media da poboación supera os 60 anos de idade.
Durante a presentación, o Subdelegado do Goberno estivo acompañado pola alcaldesa da localidade, Eva Barrio, quen agradeceu a implicación do Goberno co rural e o presentar e atraer estes programas aos municipios de menos de 8.000 habitantes que supón “darlle a relevancia necesaria e coidalo con feitos”
A Subdelegación do Goberno realizará a próxima semana visitas aos cinco últimos concellos con poboación inferior a 5.000 habitantes – A Teixeira e Larouco – e fará unha segunda quenda de visitas a aqueles concellos que o solicitaron para poder atender as demandas detodos os seus habitantes – neste caso visitará Chandrexa de Queixa e Vilar de Barrio. Achegando as ferramentas da Administración dixital aos veciños e veciñas que viven no rural da man de funcionarios da subdelegación. En total, 81 municipios de menos de 8.000 habitantes víronse beneficiados do programa na provincia nos últimos meses.
Emilio González explicou que nas próximas semanas, tamén se incorporará ao programa persoal da Seguridade Social tal e como está a realizar xa o SEPE tras o acordo alcanzado entre o Ministerio de Política Territorial e os Ministerios de Emprego e Inclusión, dos que dependen ambos os organismos respondendo á iniciativa do Ministerio de Política Territorial, de incluír máis servizos a esta nova forma de relacionarse cos cidadáns, e coa particularidade de ser servizos dos máis demandados. “Queremos ter unha relación directa cos servizos da Administración e deste xeito os veciños e veciñas de Riós poderanse comunicar dun modo máis áxil e dinámico sendo catalizadores deste servizo sen ter que desprazarse á capital”
A Administración preto de ti
A Administración Preto de ti trátase dun programa do Ministerio de Política Territorial, en colaboración coa FEMP, enmarcado nas políticas de reto demográfico para avanzar na eliminación da fenda dixital e a cohesión social e territorial.
Ourense sitúase á cabeza das provincias españolas nas que se desenvolve o programa na realización de trámites electrónicos, achegando a Administración a miles de ourensáns rurais que evitan desprazarse para poder realizar os trámites. Un programa que impulsa o medio rural e o progreso a través da dixitalización e os trámites electrónicos e que pon de manifesto a implicación do Goberno no reto demográfico. Ata a data xestionáronse 414 certificados e 265 Cl@ves permanentes.
Encontro Institucional coa Alcaldesa
Posteriormente, o Subdelegado do Goberno visitou as dependencias do Concello e mantivo unha reunión institucional coa alcaldesa de Riós, Eva Barrio, para darlle traslado das axudas do Goberno en materia de eficiencia enerxética – Riós recibiu no último ano 40.143€ en axudas do IDAE. Así mesmo aproveitou para darlle traslado dos datos referidos en materia de seguridade cidadá.
