O delegado do Goberno, José Miñones, destaca o esforzo investidor e o compromiso coas infraestruturas en Galicia do Goberno de Pedro Sánchez, que se materializa no avance da construción das intermodais da Coruña e Ourense. O delegado avanzou que o Ministerio de Transportes, Mobilidade e Agenda Urbana, a través do Administrador de Infraestruturas Ferroviarias (Adif), dá un paso máis na construción da estación intermodal da Coruña-Santo Cristóbal coa adxudicación do contrato de consultoría técnica e asistencia técnica para o control das obras. A esta actuación súmase o inicio do proceso para a expropiación de terreos para a intermodal Ourense.
“Co Goberno de Pedro Sánchez Galicia ocupa de novo o lugar que se merece por investimentos, por desbloqueo de demandas históricas e por liderado”, destacou José Miñones. En concreto, os traballos de consultoría e asistencia técnica para a intermodal da Coruña adxudicáronse á UTE Applus-GPO por un importe total de 2.904.089,20 euros como oferta economicamente máis vantaxosa. Este contrato está financiado polo Plan de Recuperación, Transformación e Resiliencia do Goberno de España
Esta actuación vénse a sumar ao contrato de construción da estación intermodal, adxudicado o pasado mes de outubro por un importe total de 72,5 millóns de euros e que contempla, entre outros, a retirada de vías do interior da marquesiña histórica para habilitar un gran vestíbulo de viaxeiros e unha zona comercial, a modificación da configuración de vías e plataformas, o acondicionamento da praza de acceso ou a construción dunha pasarela peonil sobre a nova sala de embarque que unirá a avenida da Sardiñeira e a avenida do Ferrocarril.
Expropiacións en Ourense
No caso da estación intermodal de Ourense, Adif iniciou o proceso para a expropiación forzosa dos terreos necesarios para a construción da nova infraestrutura, que premitirá a cubrición da actual praia de vías.
La medida afecta a tres predios propiedade do Concello de Ourense situadas na contorna da estación e que suman unha superficie a expropiar de 1.681 metros cadrados.
El Concello de Ourense dispón de 15 días hábiles desde a publicación do documento no BOE, o pasado 2 de febreiro, para formular as alegacións que considere oportunas.