O Ministerio de Política Territorial, en colaboración coa Federación Española de Municipios e Provincias (FEMP), está a impulsar o Plan "A Administración preto de ti". Este plan ten por obxectivo principal dar a coñecer os servizos e prestacións ofertados pola Administración Xeral do Estado aos cidadáns de municipios de pequena poboación de toda España.
Deste xeito , os cidadáns poderán realizar trámites coa Administración de maneira electrónica desde o seu propio municipio, sen necesidade de desprazarse.
O plan aplícase en diferentes fases. Nesta primeira fase, atenderanse aqueles municipios que teñan entre 500 e 8.000 habitantes. Persoal da Delegación do Goberno desprázase aos municipios interesados que se sumen á inciativa para dar a coñecer, mediante charlas informativas, a residentes e empregados municipais os diversos trámtites que se poden efectuar de maneira electrónica coa Administración Xeral do Estado e, en particular, ferramentas como o Cerfiticado Dixital.
A finalidade é achegar a Administración Xeral do Estado no Territorio á cidadanía, coa finalidade de facer efectivo o dereito dos cidadáns de acceso a todos os servizos públicos con independencia, do seu lugar de residencia.
Máis información en:
