Os CCD de Miranda oferta un curso gratuíto en Power Apps para captar talento local

• Está enfocado á detección de perfís tecnolóxicos na zona, con posibilidades de incorporación a LogiRAIL, empresa filial de Renfe

21 de febreiro de 2024.- O Centro de Competencias Dixitais (CCD) de Renfe en Miranda de Ebro impartirá un curso gratuíto sobre Power Apps para captar talento local na área tecnolóxica.

Esta formación, que dará comezo o próximo 11 de marzo, desenvolverase nas instalacións que LogiRAIL, filial de Renfe, ten no polígono mirandés de Bayas, en horario de 9:00 a 14:00 horas, e está centrada na tecnoloxía Power Apps para o desenvolvemento de aplicacións.

Durante dúas semanas, os alumnos recibirán a formación e, aqueles que finalicen o curso con éxito, pasarán a formar parte da bolsa de emprego de especialistas IT de LogiRAIL, coa posibilidade de incorporarse ao persoal dos CCD os alumnos cuxo perfil encaixe dentro dos demandados por este centro.

Na presente convocatoria, LogiRAIL busca a persoas que residan na zona de Miranda de Ebro, que teñan coñecementos de programación e aptitudes para o traballo autónomo e en equipo. Os interesados poden inscribirse enviando o seu currículo á dirección de correo electrónico gestionrrhh.serviciostecnologicos@logirail.com

Esta será a segunda actividade de formación gratuíta en Power Apps desenvolvida polos CCD de Miranda de Ebro xa que, en abril de 2023, lanzaron a primeira convocatoria destinada a persoas en procura de emprego.

Rede de Centros de Competencias Dixitais

Os CCD en Miranda de Ebro está especializado no desenvolvemento e mantemento de aplicacións informáticas de xestión e apps móbiles, e aproveita o talento existente no territorio para xerar emprego estable e de calidade na área das novas tecnoloxías, grazas á colaboración das institucións locais e educativas da zona.

Ademais do de Miranda de Ebro, Renfe conta con outros CCD en Alcázar de San Juan, no que abordan proxectos de robótica e intelixencia artificial; en Teruel, para o mantemento de infraestruturas; en Linares, desde onde se realiza a atención ao cliente; o de Mérida, que xestiona a plataforma de mobilidade dōcō; e o de Monforte de Lemos que traballa na área de ciberseguridade ferroviaria.

Con todos eles, Renfe, a través da súa filial LogiRAlL, busca acelerar a transformación dixital da empresa e contribuír ao proceso de descentralización xeográfica das capacidades e recursos da compañía, aproveitando o talento asociado á contorna que axude a combater o despoboamento.