7 de decembro de 2023.- O Consello Interterritorial do Sistema Nacional de Saúde, nunha reunión extraordinaria e telemática que tivo lugar este xoves, acordou a repartición dun total de 2,5 millóns de euros entre as comunidades e cidades autónomas destinados á obtención de plasma a través de plasmaféresis no marco da Estratexia Nacional para a Autosuficiencia en Plasma.
Ademais, acordouse que o vindeiro luns, 11 de decembro, ás 09:00, o CISNS volverá reunirse, de forma extraordinaria, a pedimento de varias CC. AA que solicitaron máis tempo para analizar a distribución de 42,8 millóns de euros, acordados no pleno do CISNS do 23 de xuño, para distintos programas de uso racional do medicamento, vixilancia do cancro e doazón de medula ósea.
A ministra de Sanidade, Mónica García, anunciou dúas novas citas para antes de que acabe o ano.
- O 18 de decembro celebrarase un pleno da comisión de Recursos Humanos do Consello Interterritorial, para analizar a falta de profesionais que afectan a atención primaria.
- El 21 de diciembre Pleno presencial ordinario del Consejo Interterritorial en Asturias.
A ministra comunicou aos conselleiros que na reunión do próximo día 21 de decembro: “Daremos termo a outras transferencias pendentes de máis de 200 millóns de euros en materia de enfermidades raras, xenómica e dixitalización.” Tamén apostou por debater, nesa data, un dos asuntos que máis preocupa á cidadanía “o tempo das listas de espera para ver a un especialista, ou para unha cirurxía ou unha proba diagnóstica”. Por último, a ministra asegurou “o Ministerio non vai a cejar no seu compromiso polo diálogo e a vontade firme de acordo para fortalecer o noso sistema nacional de saúde e mellorar a vida da xente”.