A Dirección Xeral de Tráfico (DXT) realiza desde este luns, 13 de febreiro, ao próximo domingo, día 19, unha campaña de control e vixilancia de camións e autobuses coa que se intensificarán os controis que xa se desenvolven a diario sobre este tipo de vehículos.
A campaña está enmarcada na Operation Truck&Bus que desenvolve a nivel europeo a asociación RoadPol e nela tanto os axentes da Agrupación de Tráfico da Garda Civil como as policías locais que se sumen á mesma comprobarán que tanto as condicións nas que circulan este tipo de vehículos, independentemente do país no que estean matriculados, como os seus condutores fano de acordo ás normas de tráfico e seguridade viaria.
Durante esta semana, incidirase na vixilancia de aspectos talles como a velocidade á que circulan, as horas de condución e descanso, o tacógrafo, o exceso de peso, os posibles defectos técnicos do vehículo ou a seguridade da carga transportada.
Tamén se comprobará que a documentación do vehículo e do condutor é correcta e está vixente, que se fai uso do cinto de seguridade por parte de todos os ocupantes dos vehículos, que non se conduce baixo os efectos do alcol ou outras drogas e que non se fai uso de dispositivos que provocan distracción na condución.
A vixilancia realizarase en toda clase de vías e a calquera hora do día, especialmente naquelas estradas nas que a intensidade da circulación deste tipo de vehículos é maior.
Na última campaña de vixilancia de camións e autobuses impulsada pola DXT, que se levou a cabo en xuño do pasado ano, en Cantabria controlouse a 371 vehículos e interpuxéronse 59 denuncias a condutores por non cumprir algún dos preceptos da normativa.