O Consello de Ministros aprobou este martes na súa reunión semanal e por proposta do presidente do Goberno, Pedro Sánchez, o Real Decreto polo que Cecilia Pérez Sánchez é nomeada delegada do Goberno de España na Comunidade Autónoma do Principado de Asturias.
O nomeamento será efectivo unha vez sexa publicado no Boletín Oficial do Estado (BOE). Cecilia Pérez Sánchez releva así no cargo a Adriana Lastra Fernández, que foi a máxima representante do Executivo central no Principado de Asturias desde xullo de 2024.
Biografía da nova delegada
A nova delegada, Cecilia Pérez, foi alcaldesa dEl Franco desde o ano 2003, cunha etapa previa como concelleira desde 1995 e como alcaldesa entre os anos 1999 e 2000. Tamén foi presidenta da Federación Asturiana de Concellos (FACC) desde 2019 ata a actualidade e vicepresidenta do Consello Territorial da Federación Española de Municipios e Provincias (FEMP) na lexislatura 2019/2023.