Comisariada por Tània Balló, a mostra percorre a vida e a obra de Jorge Semprún (1923 -2011) a través de arquivos, manuscritos, libros, guións de cinema, fotografías, vídeos e carteis, que permiten profundar no coñecemento da época e os desafíos que houbo de afrontar.

A exposición chega a Madrid, tras o seu paso polo Arquivo da Coroa de Aragón en Barcelona e do Centro Documental da Memoria Histórica en Salamanca, cando se cumpren 80 anos da liberación dos campos de concentración de Auschwitz, de Mauthausen e de Buchenwald, no que Jorge Semprún estivo preso.

Para Fernando Martínez, secretario de Estado de Memoria Democrática, la vida de Semprún es “un ejemplo de la resistencia como forma radical de compromiso”.

A exposición foi posible grazas aos préstamos dunha ducia de institucións españolas e francesas, e inclúe un amplo corpus de documentación inédita ou nunca mostrada ao público. A mostra convídanos a reflexionar sobre a vixencia da súa obra e da súa figura desde os desafíos aos que se enfrontan o pensamento contemporáneo e a creación literaria.

Organizada polo Ministerio de Política Territorial e Memoria Democrática, o Ministerio de Cultura e Acción Cultural Española, ‘Jorge Semprún. A longa viaxe’ poderá visitarse, gratuitamente, ata o 31 de agosto na sede principal da BNE no madrileño Paseo de Recoletos.