A Lei de Memoria Democrática establece na súa Disposición Adicional Oitava o seguinte:

• Os nados fóra de España de pai ou nai, avó ou avoa, que orixinariamente fosen españois, e que, como consecuencia de sufrir exilio por razóns políticas, ideolóxicas ou de crenza ou de orientación e identidade sexual, perdesen ou renunciasen á nacionalidade española, poderán optar á nacionalidade española, para os efectos do artigo 20 do Código Civil. Igualmente, poderán adquirir a nacionalidade española as persoas que se atopen nos seguintes supostos
• Os fillos e fillas nacidos no exterior de mulleres españolas que perderon a súa nacionalidade por casarse con estranxeiros antes da entrada en vigor da Constitución de 1978.
• Os fillos e fillas maiores de idade daqueles españois a quen lles foi recoñecida a súa nacionalidade de orixe en virtude do dereito de opción de acordo ao disposto na presente lei ou na disposición adicional sétima da Lei 52/2007, do 26 de decembro.
• En todos os supostos, esta declaración deberá formalizarse no prazo de dous anos desde a entrada en vigor da presente lei. Ao terminar este prazo, o Consello de Ministros poderá acordar a súa prórroga por un ano.

As directrices, criterios e modelos de solicitude para tramitar o dereito de opción á nacionalidade española na disposición adicional oitava da Lei 19/2022, do 19 de outubro, de Memoria Democrática, veñen fixadas na Instrución do 25 de outubro de 2022, da Dirección Xeral de Seguridade Xurídica e Fe Pública.