25.6.2019
Cidade de México (México)
A chegada do buque "Sinaia" a Veracruz, o primeiro barco con exiliados españois que recibía México hai oitenta anos, inspira os actos de recoñecemento e homenaxe aos protagonistas do exilio e ao seu país de acollida.
O presidente de México, López Obrador, eloxiou a contribución ao desenvolvemento da nación dos máis de 25.000 exiliados republicanos españois que chegaron fuxindo da Guerra Civil e da ditadura franquista. Foi Lázaro Cárdenas quen, con enorme xenerosidade, orquestrou unha acollida e unha inserción social que repercutiu positivamente no país a través de fecundas contribucións á vida social, cultural e educativa. Respecto do presidente que ofreceu asilo a todos os refuxiados españois, o mandatario mexicano afirmo "Sentimos orgullosos desta xesta, desta forma de actuar do xeneral Cárdenas. Do exilio chegou moita xente que se uniu a México, a formar parte desta patria. Esa dobre nacionalidade que temos todos, porque somos dun país, pero tamén cidadáns do mundo". A secretaria de Estado de España Global, Irene Lozano, enxalzou este exemplo de solidariedade "ofreceulles unha nova patria a quen pensaban que o perderon todo". No acto rendeuse homenaxe a Fernando Rodríguez, decano dos sobreviventes do exilio, con 102 anos cumpridos. Participaron no acto a Subsecretaria do Ministerio de Xustiza, Cristina Latorre, o presidente do Ateneo español, Ernesto Casanovas, e o embaixador de España en México, Juan López-Dóriga quen recalcou "O dereito de asilo é algo que xa quedou sementado na política exterior de México, algo que temos que garantir".
