3.5.2019

Mauthausen (Austria)

O "Día da Homenaxe aos españois deportados e falecidos en Mauthausen e noutros campos e a todas as vítimas do nazismo" supón o recoñecemento e reparación, por parte do Goberno de España, aos máis de dez mil españois que estiveron nos campos de concentración nazis. O 5 de maio conmemórase a liberación, no ano 1945, por parte das tropas aliadas do campo de concentración de Mauthausen onde foron internados ao redor de sete mil cincocentos españois. Desprovistos da súa nacionalidade española por decisión do goberno franquista, declarados apátridas, padeceron innumerables atrocidades, perdendo a vida máis de cinco mil deles.

Estes españois, na súa maioría exiliados republicanos, representan unha parte fundamental da memoria democrática de España, e enlazan a historia do noso país coa historia de Europa. Do mesmo xeito que noutros países europeos, este día de homenaxe, con carácter anual, serve para honrar a súa memoria e agradecer a súa loita pola democracia e a liberdade.

Participan na homenaxe a ministra de Xustiza Dores Delgado, a subsecretaria de Xustiza Cristina Latorre, e o ex director xeral de Memoria Histórica, Fernando Martínez. Delgado lembrou que as españois vítimas do nazismo fórono polas súas ideas de liberdade e democracia. "Ten que prevalecer que os nosos compatriotas, todos eles, de calquera rexión, de calquera comunidade autónoma, compartiron eses valores que hoxe queremos homenaxear, dignificar e respectar".