"A maleta de Helios" é un documental sobre Helios Estévez, quen tiña só meses de idade cando en 1936, ao estalar a Guerra Civil española, o seu pai, un republicano anarquista, abandona o seu pobo para ir ao exilio. Agora, 80 anos despois, viaxa ata a casa do seu pai para traer a maleta coa que aquel chegou a México en 1941. Con 19 anos, Helios Estévez chega a este país cunha misión: coñecer ao seu pai e reunir á súa familia para acabar coa dor da súa nai, incapaz de soportar a longa ausencia do seu marido. A través dos seus testemuños coñeceremos a dramática peripecia da súa vida ata converterse nun home de éxito en México e descubriremos a apaixonante historia do seu pai, descoñecida ata hoxe en España.

Javier Angulo, xornalista fundador da revista Cinemania, dirixe desde hai 12 anos a Semana Internacional de Cinema de Valladolid, en 2009 gañou con "A perdida" o premio ao Mellor Documental no Festival da Habana. "A maleta de Helios" é o seu segundo documental.