30.1.2019

Cidade de México (México)

No marco das conmemoracións do 80 aniversario do exilio español, o presidente do Goberno, Pedro Sánchez, quixo trasladar "o profundo agradecemento e recoñecemento da sociedade española" á xenerosidade de México e do Goberno de Lázaro Cárdenas cos primeiros españois que fuxiron de España tras a Guerra Civil. Sánchez participou no acto central celebrado no Colexio de México, institución creada polo goberno do país centroamericano en 1938, que acolleu a investigadores e intelectuais españois leais á República. Este centro hoxe é unha das institucións máis destacadas no mundo hispánico. En palabras de Pedro Sánchez, e en recordo do case medio millón de persoas que abandonaron o país "Non se me ocorre condena máis terrible para un ser humano que abandonar a túa familia, os teus amigos, a túa propia lingua, toda a túa identidade. O exilio é abominable sempre". Tamén quixo pór en valor o "froito cultural prodixioso do exilio republicano neste país que contribuíu a alimentar a conciencia dos españois do interior", e que hoxe representan o Colexio do México e o Ateneo Español.

Organizan: Colexio de México e Embaixada de España en México.