25.6.2019

"ALLEZ, ALLEZ..!", é o froito do traballo de investigación que xorde a partir das cancións que os irmáns Luisa e Cuco Pérez ouviron de nenos á súa nai. Cancións que naceron nos campos de concentración franceses (Argelès, Récébédou ou Rivesaltes), onde os seus avós e tíos foron refuxiados desde 1939 ata 1942. O concerto, con proxeccións e obxectos que a súa nai conservou (a maleta, a manta que lles deron os servizos humanitarios cando cruzaron a fronteira, as escudillas onde comían…), e que forman parte da escenografía, relata a historia da familia durante a guerra civil, a Retirada e o exilio, intercalando as cancións que a súa nai lles ensinou con outras, inéditas, que recolleron persoalmente dos case centenarios sobreviventes daqueles campos, e que fixaron a súa residencia no Sur de Francia. Con todo ese material editaron o libro-disco "ALLEZ, ALLEZ…!" onde contan a historia familiar e explican o seu traballo de investigación. "ALLEZ, ALLEZ…!", son as palabras coas que os xendarmes franceses apremaban aos refuxiados españois nos campos de concentración. Próximas actuacións previstas: Universidade da Rioxa (26 de xuño), Valey Centro Cultural de Castrillón, Asturias (22 de agosto), Instituto Cervantes de Madrid (17 de outubro), Universidade de Salamanca (18 de outubro), e Teatro Olympe de Gouges de Montauban, Francia (8 de novembro).