A Delegación do Goberno en Galicia acolle desde hoxe a exposición “Arquivo de Memorias Afectivas LGTBIQ+” da Fundación 26 de decembro que recolle documentos e obxectos de persoas do colectivo que viviron os anos da ditadura e da transición co fin de fomentar o recoñecemento, respecto e valoración da diversidade afectiva e de xénero.
O delegado do Goberno, Pedro Blanco, e o responsable da Fundación 26 de decembro en Galicia, Fito Ferreiro, inauguraron a mostra, que poderá verse en horario de mañá na sede da Delegación do Goberno (Praza de Ourense, 11), ata o venres, 30 de outubro.
Esta iniciativa forma parte de la programación diseñada por la Delegación e impulsada a través del Comisionado del Gobierno para la Celebración de los 50 Años de España en Libertad.
En colaboración coa Fundación 26 de decembro, permite exhibir nA Coruña parte do arquivo desta fundación a nivel nacional que preserva, visibiliza e transmite a memoria afectiva das persoas maiores do colectivo LGTBIQ+ a través de testemuños de vida e obxectos privados significativos.
Coloquio de apertura
Coincidindo coa apertura desta mostra, celebrouse un coloquio interxeneracional entre usuarios da Fundación e persoas novas ao redor dos dereitos dun colectivo que sufriu especialmente a persecución do Franquismo. No mesmo participaron a escritora e activista Lucinda Rei e o promotor cultural Braulio Vilariño, un dos impulsores do Festival Agrocuir da Ulloa..