La subdelegada do Goberno, María Rivas, participou este martes en Pontedeume no encontro organizado polo Concello e a Policía Local coas directivas dos sete centros educativos da localidade na que se deu a coñecer unha iniciativa pioneira de prevención no marco do Plan Director para a Mellora da Convivencia e a Seguridade nos Centros Educativos e a súa Contorna que impulsa a Delegación do Goberno.
La iniciativa consiste na posta en marcha por parte da Policía Local, en colaboración coa Garda Civil, dunha canle extraordinaria de comunicación para que a comunidade educativa poida informar de forma máis áxil e anónimo de calquera conduta violenta ou delituosa entre o alumnado ou nas propias familias. Será a través dun número telefónico específico con canles de Whatsapp e Telegram que será atendido directamente pola Policía Local, que dará unha resposta personalizada a cada caso.
María Rivas, que aproveitou para lembrar que Pontedeume é o primeiro concello da provincia en incorporar a Policía Local ao Plan Director, felicitou ao Concello por esta iniciativa que supón “un paso máis na loita contra a violencia en todas as súas formas, o bullying, o sexting, o consumo de droga e alcol ou o uso nocivo das novas tecnoloxías, entre outras”.