El delegado do Goberno en Galicia, Pedro Blanco, destacou a aposta do Grupo Coren pola innovación e a calidade e a súa contribución á dinamización da economía galega, o que a converten nun referente para o resto de empresas da nosa comunidade. Así o afirmou durante a súa intervención no acto de entrega do Premio Economía, outorgado polo Consello Galego de Economistas, e que na súa cuarta edición recaeu na cooperativa ourensá. Ao acto asistiu tamén o subdelegado do Goberno en Ourense, Eladio Santos.
El delegado trasladou a súa felicitación e recoñecemento do Goberno de España a Coren: “á gran familia que forman máis de 7.000 familias, co seu presidente, Manuel Gómez-Franqueira, á cabeza”. Tamén exaltou o acerto do Consello Galego de Economistas, representado na figura do seu presidente, Miguel Vázquez Taín, polo acerto do galardón. “Que os economistas premien a Coren é, á fin e ao cabo, recoñecer e premiar a seriedade e o rigor dun gran empresario”, apostilou o delegado.
En este sentido, indicou que o premio “non é máis que un aliciente para seguir traballando, cábese con máis ilusión e forza, para seguir crecendo e seguir merecendo premios” ao que engadiu que, nese camiño, tanto Coren como o resto de empresas de Galicia, “saben que teñen no Goberno de España ao seu mellor aliado”.
Prueba diso son os máis de 3.500 millóns de euros que deixa o Plan de Recuperación en Galicia e que xa están a impactar na nosa economía, “o 80% con destino nas nosas empresas, grandes e pequenas”.
“Queremos o progreso das pequenas e das medianas empresas; queremos que haxa máis Coren; queremos que Coren sexa exemplo a imitar noutros sectores, porque é unha empresa que desde a esencia da nosa terra, desde o máis primario da nosa alimentación, converteuse nun referente de innovación, vangarda e calidade no seu sector”, concluíu Blanco.