La Subdelegación do Goberno coordina o dispositivo de seguridade do Entroido de Verán de Redondela

A subdelegada accidental do Goberno en Pontevedra, María Isabel Alonso de Linaje, copresidiu esta mañá a Xunta Local de Seguridade en Redondela, xunto á alcaldesa da localidade, Digna Rivas. Tamén asistiron os responsables da Policía Local, Policía Nacional e Garda Civil. O encontro tivo o fin de coordinar o operativo de seguridade con motivo da celebración do Entroido de Verán, que terá lugar o próximo 24 de agosto.
Desde a Subdelegación do Goberno ofreceuse a máxima colaboración para garantir a seguridade na localidade durante este evento masivo. A Garda Civil de Tráfico realizará durante os festexos controles de circulación e operativos especiais nos accesos á localidade e intensificará os controis de alcoholemia e drogas a modo de prevención pola posible falta de responsabilidade dalgúns condutores. Así mesmo,a Policía Nacional e a Policía Local coordinaranse para reforzar a seguridade cidadá durante toda a xornada continuando co protocolo desenvolvido en anos anteriores.