O Centro de Vacinación Internacional, que está en plena campaña de verán, recibiu a visita do subdelegado do Goberno, Abel Losada, quen destacou o gran traballo que se realiza neste servizo, onde se administran as vacinas das persoas que viaxan a zonas de risco no estranxeiro. Losada, acompañado do xefe do servizo de Sanidade Exterior, Óscar Vilariño, compartiu parte da mañá coas dúas doutoras e as tres enfermeiras do centro, así como con algunhas das persoas que acudiron a recibir a súa dose.
O Centro vigués atende a máis de 3.500 persoas ao ano e administra preto de 3.000 vacinas das que a maior parte son da febre amarela, do tifus e da hepatite A, dado que son necesarias, segundo as recomendacións sanitarias internacionais, para viaxar as amplas zonas do planeta, repartidas fundamentalmente por Sudamérica, África e o sueste asiático. A taxa pública por administración de cada vacina é de 19,46 euros.
Abel Losada destacou a rapidez coa que funciona o Centro Internacional, que administra as doses en pouco máis dunha semana desde que se pide cita a través da web do Centro de Vacinación Internacional, aínda que tamén é posible pedila presencial ou telefonicamente. Segundo os datos da memoria anual, en torno a un 60% das vacinas teñen que ver con viaxes turísticas, mentres que o 30% correspóndense coa actividade laboral do sector marítimo. O resto son para estudantes, cooperantes, militares ou membros das Forzas e Corpos de Seguridade do Estado en misión internacional.
Os datos do primeiro semestre do ano apontoan a tendencia crecente na actividade vacinal, pois se atenderon un total de 2.067 persoas entre xaneiro e xuño, o que supón máis dun 22% con respecto ao mesmo período do ano anterior. Non todas acoden a inxectarse, pois o Centro tamén presta un servizo consultoría médica con consellos sanitarios para visitar calquera zona do planeta. Non primeiro semestre deste ano/este ano inoculáronse 1.245 dose (un 28% máis que en 2023). No entanto, non todas as persoas que acoden a informarse ponse, deseguida, a vacina, dado que as estatísticas demostran que no que vai de ano hai preto de 500 que se arriscaron a viaxar sen protección.
Ademais da febre amarela, tifus e a hepatite A adminístranse tamén outras fórmulas como a da polio (obrigada para visitar determinadas partes de África e Asia en determinadas circunstancias), meninxites tetra (esixida en Arabia Saudita para as persoas orixinarias de países musulmáns que peregrinen á Meca), rabia (prescrita para certas actividades profesionais relacionadas co benestar animal en moitos países) ou a encefalite centroeuropea (recomendada para persoas que visiten unha ampla zona entre o Sur de Alemaña, Austria ou Eslovaquia ir a realizar actividades ao aire libre e para previr, especificamente, os efectos da picadura de garrapata). Finalmente, o Centro administra tamén a medicación contra o paludismo, profilaxis que se aplicou a 375 persoas.
Ademais das vacinas internacionais, o persoal do Centro vigués administra calquera vacina “de calendario” que se recomende para saír ao estranxeiro, como a da gripe, a varicela ou a tripla vírica. Tamén calquera vacina que as persoas usuarias adquiran na farmacia e poidan ser recomendables antes de viaxar en función das circunstancias ou as zonas.
.