La subdelegada do Goberno en Lugo, Isabel Rodríguez, entregou hoxe a “MAVI: a Maleta Viaxeira Contra a Violencia de Xénero” no campamento de nadal do concello de Trabada para seguir traballando por unha igualdade efectiva e real entre homes e mulleres a través dunha lectura que permita detectar e previr comportamentos e actitudes machistas.
La subdelegada presentou xunto á alcaldesa do concello, Mayra García, e á Xefa da Unidade de Violencia de Xénero da Subdelegación, María Luisa Castro, a maleta MAVI co obxectivo de combater actos derivados do sistema patriarcal en todos os concellos da provincia.
“Apostamos e facilitamos que os concellos se sumen a loitar contra esta violencia estrutural, defendendo que as administracións públicas deben seguir ofrecendo programas que contribúan á concienciación da sociedade”, asegurou, engadindo que “este é un asunto de estado e de gran relevancia social que perxudica gravemente as mulleres e nenas polo simple feito de selo”.
Isabel Rodríguez puxo en valor esta iniciativa “que segue tendo unha boa acollida nos concellos, cunha alta demanda da MAVI polo labor de sensibilización que se pode facer entre a veciñanza, e que provoca en moitas ocasións que as persoas se interesen por saber como actuar en caso de agresións ou actitudes machistas”.
Rodríguez fixo fincapé en que a base para loitar contra este tipo de violencias sostense na educación e a cultura, “por iso é tan importante fomentar a lectura con libros que se pon a disposición da cidadanía para traballar temas que proliferen un pensamento crítico e de repulsa ante a discriminación por razón de sexo, así como a perpetuación dos estereotipos e roles impostos pola sociedade”.
Estos novos libros súmanse aos das maletas que xa pasaron por Viveiro, Sarria, Quiroga, Meira e Vilalba, así como aos dos centros penais de Bonxe e Monterroso. Son dous as maletas que están a percorrer a provincia actualmente co material para traballar sobre esta temática e que seguen a misión de ofrecer unha nova mirada ante un problema que afecta e interpela a toda a sociedade.
MAVI
La maleta conta con once libros de literatura infantil e xuvenil para que poidan formar parte do proxecto compareces de todas as idades, incluíndo un diario onde poden expresar as súas reflexións e opinións sobre os contidos e as experiencias que tiveron a través da lectura.
Entre as obras que están na maleta atópanse títulos como “Insolación”, de Emilia Pardo Bazán; “Maternidades S.A. El negocio dos ventres de aluguer” de Laura Nuño; “A terra das Mulleres” de Sandra Barneda; “Mulleres invisibles para o medicamento” de Carme Valls; ou “Desarmar a masculinidade” de Beatriz Ranea, entre outros.