La subdelegada do Goberno en Pontevedra, Maica Larriba, mantivo hoxe un encontro co xeneral da Brilat, Luis Cortés, que se despide deste cargo para para ser destinado como xeneral de División do Corpo Xeral do Exército de Terra. O seu nomeamento foi publicado onte no Boletín Oficial do Estado. Maica Larriba aproveitou a visita para pór en valor e agradecer o seu traballo ao longo desta etapa en Pontevedra.
La subdelegada do Goberno quixo destacar a súa capacidade, “demostrada neste tempo, para afrontar os cambios e a evolución do exército, así como a súa visión de futuro” e agradeceu o seu “magnífico labor, especialmente ao longo da pandemia, apoiando o traballo realizado desde esta Subdelegación e velando polo benestar da veciñanza da provincia”. Maica Larriba quixo, así mesmo, desexarlle ao novo xeneral “todos os éxitos nesta nova etapa”.
Ampla experiencia e traxectoria profesional
Luis Cortés Delgado tomou posesión como responsable da Brigada VII Galicia, coñecida como a Brilat, o 31 outubro de 2019. Procedente da Brigada Paracaidista (BRIPAC), participou en diversas operacións no estranxeiro, entre outras misións, en Bosnia e en @Iraq, país no que liderou unha forza conxunta en como parte da misión da coalición internacional que loita contra o Estado Islámico.