27 de novembro de 2023.- A subdelegada do Goberno, Marian Rueda, visitou hoxe a Delegación de Economía e Facenda e a Xerencia Territorial do Catastro, situadas na rúa Cronista Ildefonso Rodríguez, número 1.
Na visita aos dous departamentos, encadrados no Ministerio de Facenda e Función Pública, a subdelegada percorreu as instalacións, acompañada do delegado de Economía e Facenda, Javier Martín, e o xerente territorial do Catastro, Carlos Martínez-Lage.
A Delegación de Economía e Facenda é un órgano territorial que se configurou en 1992 e é un servizo non integrado. Ten, entre as súas competencias, a xestión e administración do Patrimonio do Estado na provincia, a función interventora sobre os actos económicos dos servizos periféricos da Administración Xeral do Estado (AGE), exercer o control financeiro sobre a actividade destes servizos, e dos organismos públicos e outras entidades do sector público.
Pola súa banda, o Catastro ten entre as súas funcións a xestión e mantemento das bases de datos catastrais, a produción da cartografía catastral, e a elaboración dos relatorios de valores.