Epea: 2025/11/19 arte
2025eko ekainaren 26an, BOEn argitaratu zen 2025eko ekainaren 23ko Ebazpena, Memoria Demokratikoaren Estatu Idazkaritzarena, zeinaren bidez argitaratzen baita “Peironcely kaleko 10. zenbakian dagoen eraikinak, Robert Capa Argazkilariaren Plaza izenaz ezagutzen den espazioak, lorategi-eremuak eta Madrilgo San Carlos Borromeo parrokiak osatutako multzoa” Memoria Demokratikoko Leku izendatzeko prozedura hasteko erabakia. Prozedura horri hasiera emateak berekin dakar ondasunaren prebentziozko idatzoharra egitea Memoria Demokratikoko Lekuen Inbentarioan, Memoria Demokratikoaren urriaren 19ko 20/2022 Legearen 50.3 artikuluarekin bat.
Hori dela eta, entzunaldiaren izapidean egindako alegazioak eta eskatutako txostenak gehitu ondoren, Memoria Demokratikoa Sustatzeko Zuzendaritza Nagusiak erabaki du informazio publikorako aldi bat irekitzea, 20 egun baliodunekoa, erabaki hori bera argitaratu eta hurrengo egunetik kontatzen hasita. Administrazio Publikoen Administrazio Prozedura Erkidearen urriaren 1eko 39/2015 Legearen 82. eta 83. artikuluak).
Informazio publikoaren prozeduraren helburua da espedientea aztertzeko eta egoki deritzotena alegatzeko aukera ematea gaian interesa dutenei. Alegazioak urriaren 1eko 39/2015 Legearen 16.4 artikuluan ezarritako edozein erregistrotan aurkez daitezke, edo web orri honetan bertan, formulario honen bidez.
Kontsultak edo alegazioak 20 laneguneko epean bidali ahal izango dira, erabaki hau Estatuko Aldizkari Ofizialean argitaratzen den egunaren biharamunetik kontatzen hasita, gaian interesa duten guztiek espedientea aztertu eta egokitzat jotzen dutena alegatu ahal izan dezaten ondasun hori dela-eta.
Harremanetarako helbide elektronikoa: DG.promocionmemoria@correo.gob.es
“Peironcely kaleko 10. zenbakian dagoen eraikinak, Robert Capa Argazkilariaren Plaza bezala ezagutzen den espazioak, erantsitako lorategi-guneak eta Madrilgo San Carlos Borromeo parrokiak osatutako multzoa” Memoria Demokratikoko Leku izendatzeari buruzko dokumentazioa.
